Psa 6 | PMA | STEP | Ahi Asuv, konavuroh kattei inau, konaseltei natal minau. Konatin kattei inau, konasantei mahien minau.

Psalms 6

Hisien ten Kataunien en Avong Takeih

1 Ahi Asuv, konavuroh kattei inau, konaseltei natal minau.
Konatin kattei inau, konasantei mahien minau.
2 Ahi Asuv, kikur enmahisien enau ven avek memerau.
Kisan keihoen minau ven nasakras moumon etai tounah.
3 Demvoen houlu en tinok.
?Ahi Asuv, nengeis kisan heite ten hisien onak, nengeis?

4 Konalei vinitei inau, Ahi Asuv;
kikataunau veni enmahisien onom mariso.
5 Meatin hesakras varendem katuk navong hemat.
?Isei kilea vamasmasuk navong mul tuai en avul?

6 Namurang vini inau;
en vongien vasi, simetok mul kas oulung mak, sakini memer vasi.
7 Nasakras maleilei vatahos veni metok mutetev;
namurang houlu veni meatin tatisa keil amul apurunau.

8 Alva soutin ranau, kami keke mimumon tisaen houlu,
veni Ahi Asuv raengon tangien onak.
9 Kei long nau navong namis kai ven kataunien onen;
ka kei hesan heite ten hisien onak.
10 Meatin keil koa amul apurunau, Ahi hehile lat keil,
hesakini, keil imemou vini keil, imetau ka ilohosai ranau.